Tane & tidder

Shaetlan haes da pronoun opposeetion da tane... da tidder at translates tae St English 'the one... the other'. You fin dis athin various forms troo da entire Scots spaekkin area, an dis is neider new, nor "slang" , nor "improper". Dis is aald forms, at cam oot o laet Aald English, espeecially idda nort plaesses, aboot 1200-1250: þe cam tae be da general form fir da definite article ('the') an so da -t athin þæt ān 'da/yun een' wis shiftit tae ān so as it gød tae bein þæ tān > þe tane > da tane insteid. Da sam happent wi þæt ōðer 'da/yun idder' at guid tae bein þæ tōðer > þe tithyr > da tidder. Apairt fae da Scots spaekin plaesses, hit's onnly fun in various form athin pockets o conservative English varieties, but no athin Standirt English ony langer.