A’ll tell dee!

Pronouns is wirds at refers tae fokk or things. De'r aa kinds o pronouns. Da personal pronouns refers tae da spaeker(s), da addressee(s), or some third body(s)/thing(s). Hit's braaly common aa ower da wirld tae shaa whit role da pronoun haes atidda sentence, as Shaetlan does:

I/we spak tae Mary

means at da spaeker(s) did somethin, so da pronoun is idda SUBJECT form. Da subject form o da idder pronouns is:

Du/you spak tae Mary.

He/shø/hit/dey spak tae Mary.

🧙🏽

Hoosumivver, in a sentence laek:

Mary spak tae me/wis

somethin is happenin TAE da spaekker, so da pronoun is idda OBJECT form. Da object forms o da idder pronouns is:

Mary spak tae dee/you

Mary spak tae him/her/it/dem.

🧙🏽

Becis StE onn'y haes ee form fir da addressee ('you'), whidder or no it's een or twartree, or whidder hit's a subject or a object, noo an agein dis fokk assumes dis is da wye o it in Shaetlan an aa. Hoosumivver, a sentence laek *"A'll see du damoarn" is impossible in Shaetlan an maks as little sense as somethin laek *"We'll see she tomorrow" wid in StE.