Wirdle solutions week 6
W'ir blyde tae announce dat, as o daday, da Shaetlan Wirdle is haed mair as 11,000 players fae 88 countries. Here's da solutions fir dis week! Scroll fir ee wird at a time tae git da richt answer, it's meaneen, an da history o da wird. Last you'll fin da main references at we øse fir da etymologies, an da latest map o players. You’ll fin da principles o wir spelleen system at Spellin in Shaetlan.
✅
Hit's important tae mind at "Aald English" wis nivver a monolithic language, reider hit's a cover term fir fower distinct Nort Sea Germanic varieties. Da direct ancestor tae Scots wis Northumbrian Aald English. Da direct ancestor tae English wis Mercian Old English. But maist o whit data is left comes fae Wast Saxon Aald English. Wharivver possible w'ir gien da Northumbrian Aald English forms, seein as da main ancestors tae Shaetlan is Norn an Scots (no English), wi a lok o Dutch/Low German influence.
✅
Wir tanks agein tae Julie fir tinkin up da idee, an tae Andrew fir makkin it possible! 🤗
snurt ‘nasal mucus; snuff or brunt weeck o a caandle’
History: dis wird is a lonn fae English wi a intensifier r addit tae it (maebbi by analogy tae English snort). Da Aald English wird wis gesnot ‘nasal mucus’ at derives fae Proto-Germanic *snuttuz/*snuttaz ‘nasal mucus’. Whaar yun comes fae we dunna ken, but hit micht be scoarnin da soond.
slock ‘slake; extinguish’
History: dis wird is attestit airlier idda Aald Scots slok ‘tae quench’ (attestit 1400) as it is wi da Middle English sloik (1500s). Hit derives fae Aald Norse slokinn ‘extinguished’, at’s da past participle o sløkkva ‘tae extinguish’ an at survives in NyNo. sløkke, Sw. släcka, Da. slukke, aa meanin ‘hinder lowein; be extinguished.’ Hit gings back tae Proto-Germanic *slakwjaną ‘tae extinguish; quench’ (causative form o *slekwaną ‘tae extinguish, ging oot’), but ony ferder etymology we dunna ken.
sparl ‘da lang lower intestine atween da stamach and anus; saasige maed by stuffin da lang lower intestine o a ruminant wi shappit fleish, fat, spice’
History: dis wird is Shetland specific. Hit originates in Aald Norse sperðill ‘sheep/goat’s pirl’, an is cognate wi Icel. sparð ‘sheep’s pirl’ an Far. sperðill ‘da rectum’, but ony ferder etymology wir no sure o.
saand ‘sand’
History: dis is a braaly aald wird. Da Aald English sand, sond comes fae Proto-Germanic *sanðaz, at itsel comes fae a airlier form *samdo-/*samðaz ‘saand’. Hit gings back tae Proto-Indo-European *sámh₂dʰos ‘sand’, at micht be a nominal derivation o *sem- ‘tae pour’.
tieve ‘tae pinch, tae commit theft’ verbal derivation o tief ‘thief’
History: dis is a braaly aald wird an aa. Da nort Aald English forms wis þæf, þéaf, etc. Da wird gings back tae Proto-Germanic *þeuƀoz ‘tief’, at gings back to pre-Germanic *tewpó- an ultimately comes fae Proto-Indo-European *teup-/*toup-/*tup- ‘tae crooch (doon; as weel fur tae hoid)’. Fir mair aboot da “th”-soonds in Shaetlan, see wir posst fae 23 October 2021.
pairt ‘part’
History: Aald Scots haed paert, pairte, pairtt, etc fae Aald English part at originally comes fae Latin pars, part- ‘pairt, portion, lok; etc’ (at in trn comes fae Proto-Italic *partis ‘pairt’), but it wis strentened by Anglo-Norman part(e), per(te), etc. Da ultimate origin micht be Proto-Indo-European *per(H)- ‘tae sell’.
caald ‘cold’
History: dis is a braaly aald wird an aa. Da Aald English cald comes fae Proto-Germanic *kaldaz ‘caald’, at’s a adjective derivation o *kalaną ‘tae be caald, tae freeze’ an ultimately gings back tae Proto-Indo-European *gel(ə)- ‘tae be caald, tae freeze’.
References:
Bokmålsordboka. 2022. Språkrådet og Universitetet i Bergen. Available at http://ordbøkene.no.
Christie-Johnston, Alastair & Adaline Christie-Johnston. 2014. Shetland words. A dictionary of the Shetland dialect. Lerwick: The Shetland Times.
de Vaan, Michiel. 2008. Etymological dictionary of Latin and the other Italic languages. Leiden, Boston: Brill
de Vries, Jan. 1977. Altnordisches etymologisches Wörterbuch. Leiden: Brill.
DSL Online. 2002. Glasgow: The University of Glasgow. Available at https://dsl.ac.uk/.
Heggestad, Leiv, Finn Hødnebø & Erik Simensen. 1993. Norrøn ordbok. 4th edn of Gamalnorsk ordbok. Oslo: Det norske samlaget.
Hellquist, Elof. 1993. Svensk etymologisk ordbok. 3rd edn. 2 Vols. Malmö: Gleerups.
Jakobsen, Jakob. 1985 [1928]. An etymological dictionary of the Norn language in Shetland. Lerwick: The Shetland Times.
Kroonen, Guus. 2013. Etymological dictionary of Proto-Germanic. Leiden: Brill.
Lehmann, Winfred P. 1986. A Gothic etymological dictionary. Leiden: Brill.
Macbain, Alexander. 1911. An etymological dictionary of the Gaelic language. Stirling: Eneas Mackay.
Marwick, Hugh. 1929. The Orkney Norn. Oxford: Oxford University Press.
Matasović, Ranko. 2009. Etymological dictionary of Proto-Celtic. Leiden: Brill.
Nielsen, Niels Åge. 1995. Dansk etymologisk ordbog. Ordenes historie. 4th edn. København: Gyldendal.
Nynorskordboka. 2022. Språkrådet og Universitetet i Bergen. Available at http://ordbøkene.no.
OED Online. 2021. Oxford: Oxford University Press. Available at https://www-oed-com.ezproxy.uni-giessen.de.
Orel, Vladimir. 2003. A handbook of Germanic etymology. Leiden: Brill.
Pfeifer, Wolfgang (ed.). 1997. Etymologisches Wörterbuch des Deutschen. München: Deutscher Taschenbuch Verlag.
Pokorny, Julius. 1994. Indogermanisches etymologisches Wörterbuch. 3rd edn. 2 Vols. Tübingen: Francke Verlag.
Torp, Alf. 1919. Nynorsk etymologisk ordbok. Kristiania: Forlaget H. Aschehoug & Co.
Zoëga, Geir T. 1896. English-Icelandic dictionary. Reykjavík: Sigurður Kristjánsson.
Zoëga, Geir T. 1922. Icelandic-English dictionary. 2nd edn, enlarged. Reykjavík: Sigurður Kristjánsson.
