-ie / -in

Da biggeen stanes o wirds is caaed morphemes. Aa languages hae wyes o combinin morphemes tae express different idees. Whit dey caa derivational morphemes maks new wirds. Shaetlan haes a braaly versatile derivational morpheme -ie at can be øsed fir different kinds o derivations. Ee systematic øs o -ie is tae mak nouns (entities) oot o verbs (actions):

tae blink > a blinkie

tae creep > a creepie

tae gadder > a gadderie

🧩

Whit dey caa inflectional morphemes expresses grammatical information. Shaetlan haes da morpheme -in at shaas de'r action gyaan on:

tae blink > [X is] blinkin

tae creep > [X is] creepin

tae gadder > [X is] gadderin

🧩

Becis StE haes a derivational morpheme -ie an aa (laek in daftie, sweetie, etc) at's wrangly assumed tae be new an slangy (really hit's a aalder version o -y), da Shaetlan -ie forms is sometimes "fixed" tae -in (*a creepin, *a gadderin), but dat mixes wir biggeen stanes right up: -in expresses actions gyaan on whaaras -ie maks nouns.