Gibbie a Okrabister

Appellation naems ir proper naems at describes whaar sumeen's fae, laek Anne a Greengables. Athin StE dis kinds o naems ir constructed wi of, sometimes shortened tae o' (as in John o' Groats). Hoosumivver, in Shaetlan appellation naems ir maed wi a 'on', laek Gibbie a Okrabister. Dis wye is da neebour o een o da Aald Norse wyes o makkin appellation naems, wi á 'on' as in Atli á Gaulum 'Atli of Gaulum' [lit. Atli on Gautlum], at can still be fun as een o da options fir sicn naems idda modren Scandinavian languages (laek Anne på Grönkulla, lit. Anne on Greengables).

Noo an agein Shaetlan appellation naems ir "fixed" or altered tae read as 'o' (*Gibbie o Okrabister or even *Gibbie of Okrabister), but dis is a hypercorrection baessed apø da StE system. Da Shaetlan naems ey came tae be formed wi a 'on' as dey ir a remnant o da Norn wye o naemin fokk dat ir been hoidin athin plein sicht.