-een / -in

Da biggeen stanes o wirds is caaed morphemes. Whit dey caa derivational morphemes maks new wirds. Een o da derivational morphemes in Shaetlan is -een (pron. /in/) an hit maks nouns (entities) oot o verbs (actions):

🔹tae mind > a mindeen

🔹tae bigg > a biggeen

🔹tae drookle > a drookleen

-een comes fae Aald English -ing/-ung at formed nouns fae verbs. Athin Suddert English by da 13C dis form wis mair an mair snuyded up wi da form -inde (fae AE -ende), at shaas an action gyaan on. Athin Scots da twa forms wis nivver mixed up an actions gyaan on is markit wi -in (pron. /ən/):

🔹tae mind > [X is] mindin

🔹tae bigg > [X is] biggin

🔹tae drookle > [X is] drooklin

Becis da twa endeens merged inta -ing in StE, the -een and -in words in Shaetlan ir "corrected" noo an agein tae -ing. But døin dat is isna richt lookin at it fae a historic or linguistic point o view: da twa forms is ey bøn saeperate an dey hae saeperate functions: -een maks nouns fae verbs, whaaras -in shaas actions gyaan on.