kayar

History athin a wird. Shetland micht be spokken aboot as bein remote but da truth is it's ey been a central plaess, an troo da history o Shaetlan contact wi idder languages is nivver aesed. Da wird kayar ('coir') fir example, micht as weel be jüst da sam as da original Malayalam kāyar. Da onnly wye it's cheynged is at da stress is geen fae da first tae da siccint syllable. Da English coir cam tae be fae da Portugese version o kāyar (cairo, 1st attestation 1510 / coyro, 1st attestation 1516). Da fact at Shaetlan's kayar is as closs as it is tae da original shaas at it wan intae da language straicht fae Malayalam, spokken atidda idder side o da wirld.