Relative clauses

Relative clauses wirk laek modifiers an say wha or whit is bein spokken aboot:

▪da lass at waved is spaekkin aboot da parteeclar lass at waved, no ony idder lass.

▪da stane at fell is spaekkin aboot dat parteeclar stane at fell, no ony idder stane.

Athin Shaetlan dis is don wi da invariant marker at, an hit's a braaly common wye o døin it aroond da wirld. StE, hoosumivver, wirks wi relative pronouns, an whit een gits øsed depeynds apø da animacy o da referent: who(m) is for spaekkin aboot animate bodies, whaaras which spaeks aboot inanimate tings. Dis is braaly rare aroond da wirld, an it onn'y cam aboot braaly laet on atidda English language.