Wirdle solutions week 1
W'ir blyde tae announce dat, as o daday, da Shaetlan Wirdle is haed 6300 players fae 75 countries. Here's da solutions fir dis week! Scroll fir ee wird at a time tae git da richt answer, it's meaneen, an da history o da wird. Last you'll fin da main references at we øse fir da etymologies, an da latest map o players.
✅
Hit's important tae mind at "Aald English" wis nivver a monolithic language, reider hit's a cover term fir fower distinct Nort Sea Germanic varieties. Da direct ancestor tae Scots wis Northumbrian Aald English. Da direct ancestor tae English wis Mercian Old English. But maist o whit data is left comes fae Wast Saxon Aald English. Wharivver possible w'ir gien da Northumbrian Aald English forms, seein as da main ancestors tae Shaetlan is Norn an Scots (no English), wi a lok o Dutch/Low German influence.
✅
Wir tanks agein tae Julie fir tinkin up da idee, an tae Andrew fir makkin it possible! 🤗
sooth ‘south’
History: fae Aald Scots south fae Old English svþ, sūþ (an seemlar forms) ‘sooth’. Dis is a aald wird, derived fae Proto-Germanic *sunþrą ‘sooth’, at is a derivational form sun-þraz meanin ‘sun gaets’ or ‘da sun side’ fae Pre-Germanic *sh₂únt(e)ros ultimately fae Proto-Indo-European *sóh₂wl̥ ‘sun’.
neeps ‘swedes; turnips’ Plural form o neep ‘swede; turnip’.
History: ultimately a lonn fae Latin. Da Aald Scots neip (attested fae ca 1470) cam fae Aald English naep ‘neep’, at micht'll a referred tae ‘rape (Brassica napus)’ firbye, an in turn cam fae Latin nāpus ‘neep; rape (Brassica napus)’. Da origin of da Latin form w'ir no sure o; da suggestion at it cam fae Ancient Greek nâpu ‘mustard’ is herd tae pit tagidder semantically spaekkin. Da Aald Norse næpa (> Norwegian nepe) is a lonn fae Aald English.
unkan ‘strange’
History: opposite o kent (un- + -ken). Aald Scots uncow (attested frae ca 1500) ‘queer(ly)’. Dis is a aald wird, fae Aald English uncūþ ‘unkan, unfameeliar, streinge’ (a derivation o un- ‘negative’ + cūþ ‘kent’ (fae cunnan ‘tae ken’)), at in turn is fae Proto-Germanic *unkunþaz ‘unkent’ (*un- (fae Proto-Indo-European *n̥- ‘no; un-‘) + *kunþaz ‘kent’ (fae *kunnaną ‘tae ken’, itsel fae Proto-Indo-European *ǵn̥néh₃ti ‘tae ken, recognise’, ta is derived fae *ǵneh₃- ‘tae ken’)). Da Proto-Germanic *unkunþaz is da origin o Aald Norse úkunnr ‘unkent, streinge’, at is da origin o Icelandic ókunnur ‘streinge, unkent; obscure’.
girse ‘grass’
History: Aald Scots gyrs, girs(e), gers(e) (attested fae ca 1375). Dis is a aald wird, Aald English graes, gręs, gærs, gears ‘girse’, at comes fae Proto-Germanic *grasą ‘girse’, a derivation o *grōaną ‘tae growe, tae come green’, at in turn comes fae Proto-Indo-European *gʰreh₁- ‘tae growe, tae come green’.
athin ‘within’
History: fae within, whaar da foemaist, unstressed, syllable is been waikent. Fae Aald English wiþinnan, wiðinnan, a compound o wiþ ‘firnenst, opposit; alang, toward; wi’ (fae Proto-Germanic *wiþrą- ‘firnenst; toward’, at comes fae Proto-Indo-European *wi-teros ‘firnenst, awa fae; apairt’) + innan ‘athin; inside, in; indoor’ (fae Proto-Germanic *innai ‘athin, inside’, da locative form o *in ‘in, into’, at itsel derives fae Proto-Indo-European *h₁én ‘in’).
gyaan ‘going’ the present participle form of go.
History: fae Aald English gande ‘gyaan’, derived fae gān ‘to ging’ + -ende ‘present participle’ (fae da Proto-Germanic *-andz ‘present participle’ at in turn comes fae Proto-Indo-European *-(e/o)nt- ‘adjectiviser’).
showe ‘chew’
History: fae chew wi da first consonants weikent fae a affricate tae a fricative (cf. Middle English schewe). Dis is a aald word, fae Aald English ċēowan ‘tae showe’, at comes fae Proto-Germanic *kewwaną ‘tae showe’, at in turn comes fae Proto-Indo-European *ǵ(i̯)ewh₁- ‘tae showe’.
References:
Bokmålsordboka. 2022. Språkrådet og Universitetet i Bergen. Available at http://ordbøkene.no.
Christie-Johnston, Alastair & Adaline Christie-Johnston. 2014. Shetland words. A dictionary of the Shetland dialect. Lerwick: The Shetland Times.
de Vaan, Michiel. 2008. Etymological dictionary of Latin and the other Italic languages. Leiden, Boston: Brill
de Vries, Jan. 1977. Altnordisches etymologisches Wörterbuch. Leiden: Brill.
DSL Online. 2002. Glasgow: The University of Glasgow. Available at https://dsl.ac.uk/.
Heggestad, Leiv, Finn Hødnebø & Erik Simensen. 1993. Norrøn ordbok. 4th edn of Gamalnorsk ordbok. Oslo: Det norske samlaget.
Hellquist, Elof. 1993. Svensk etymologisk ordbok. 3rd edn. 2 Vols. Malmö: Gleerups.
Jakobsen, Jakob. 1985 [1928]. An etymological dictionary of the Norn language in Shetland. Lerwick: The Shetland Times.
Kroonen, Guus. 2013. Etymological dictionary of Proto-Germanic. Leiden: Brill.
Lehmann, Winfred P. 1986. A Gothic etymological dictionary. Leiden: Brill.
Macbain, Alexander. 1911. An etymological dictionary of the Gaelic language. Stirling: Eneas Mackay.
Marwick, Hugh. 1929. The Orkney Norn. Oxford: Oxford University Press.
Matasović, Ranko. 2009. Etymological dictionary of Proto-Celtic. Leiden: Brill.
Nielsen, Niels Åge. 1995. Dansk etymologisk ordbog. Ordenes historie. 4th edn. København: Gyldendal.
Nynorskordboka. 2022. Språkrådet og Universitetet i Bergen. Available at http://ordbøkene.no.
OED Online. 2021. Oxford: Oxford University Press. Available at https://www-oed-com.ezproxy.uni-giessen.de.
Orel, Vladimir. 2003. A handbook of Germanic etymology. Leiden: Brill.
Pfeifer, Wolfgang (ed.). 1997. Etymologisches Wörterbuch des Deutschen. München: Deutscher Taschenbuch Verlag.
Pokorny, Julius. 1994. Indogermanisches etymologisches Wörterbuch. 3rd edn. 2 Vols. Tübingen: Francke Verlag.
Torp, Alf. 1919. Nynorsk etymologisk ordbok. Kristiania: Forlaget H. Aschehoug & Co.
Zoëga, Geir T. 1896. English-Icelandic dictionary. Reykjavík: Sigurður Kristjánsson.
Zoëga, Geir T. 1922. Icelandic-English dictionary. 2nd edn, enlarged. Reykjavík: Sigurður Kristjánsson.
