Tags…

Tags ir peerie constructions eekit on apø da end o stætments or commaands tae turn dem intil yis/no questions. Da idea is d'ir a wye tae axe fir confirmation. Athin Standirt English da tag is meyd wi da pronoun alang wi da contracted negative auxiliary:

You know what I mean, don't you?

He can try again, can't he?

They'll send it, won't they?

Athin Shaetlan da tag is meyd wi da pronoun alang wi a auxiliary inflected wi da negative suffix -(e)n:

You ken whit I mean, doen you?

He can try again, cannen he?

Dey'll send it, willen dey?

Forbye dat, unlæk StE, Shaetlan inflects da "be" auxiliary tag fir da 1st person singular: A'm here, amn I? (firnenst da StE wye, at's: "I'm here, aren't I?).