A’m don it!

Shætlan shaas da perfect tense by da øs o BE: A'm seen da film aalreydy, but du isna / Y'ir been dere afore, but shø isna / D'ir aa pitten oot dir essybags, onnly we irna. Dis isna da sam as Standirt English, whaar da perfect tense is shaan bi øsin HAVE (I've seen the film already, but you haven't / You've been there before, but she hasn't / They have all put out their bin bags, only we haven't). In idder wirds, StE maks øs o da sam form fir da perfect tense as it does fir aanin (tae HAE onythin: I have a phone / She has a cat / They have a house / etc). Dis is aafil rare aroond da wirld: onn'y 6.5% o da languages at hae perfect tense dø dis, an d'ir aa fun athin Wastern Europe. Dis maks StE a lok mair unkan as Shætlan fir dis pairt o da grammar.