Onybody?

Indefinite pronouns ir whit's øsed fir naethin/naebody in parteeclar, or aathin/aabody in general. In Shaetlan da indefinite is onyeen or onybody. Onyeen derives fae Aald English ǣniġ ('ony') + Aald English ān ('ee'), an onybody derives fae ǣniġ + Aald English bodiġ (boady, middle, etc.) Da Scots form ony/onie is attestit fae 1258. Da Aald English numeral ān (StE 'one') spleet intae a nort/sooth divide fae da airly 13C, whaar da nort form kept a hadd o da oppen front vowel (een/aen/ee/ai/etc) whaaras da sooth form cheinged intae a roondit vowel (o/on/un/oon/one/won/etc). Anidder version o da sooth forms wis borrooed laetter on intae Scots idda 19C, so at noo Shaetlan haes baith da aalder ee(n) an da newer wan fir da numeral 'one' in StE. Tae "correct" onyeen tae *onyone widna be richt linguistically or historically.

Strictly spaekkin da sooth form cheinged fae a oppen front unroonded vowel tae a back roonded monophthong, at laetter cam tae be a diphthong (/wa-/). It wis dis Mod.Eng. form at wis borrooed intae Scots (wan).