Dratsi

History in a wird. Da snüds an wups idda vaige o a wird is fascinatin. Da Shaetlan wird fir 'oatter' is dratsi. Hit's onnly fun in Shetland an hit's een o onnly a peerie twartree wirds at's gotten taen intil da general lexicon fae da fisherman's taboo vocabulary.

🦦

Da wird itsel is a derivation o da verb 'tae drittel aboot heivy an slow, tae shuffle alang' + da suffix -ie at maks nouns (entities). Da etymology isna kent: Aald Scots haes drich/drech 'tae hing aboot, pootle, ging drittelin'. Whaar dat comes fae isna kent, an it isna attestit afore da 13C, bit Middle Dutch an Middle Low German haed treken 'ta poo, draa', so hit could be a Hansa lonn. Aald Norse haed dratta 'tae waak heivy an slow' (NyNo. dratte), da origin isna kent.

🦦

Video by MicrophonicFool licent under CC-BY-3.0