Smoorikin

History in athin wird. Da sweet Shaetlan smoorikin is haed some vaige tae win tae its meaneen. Hit's maed wi da Scots smuirich + da Middle Low German -kin. Da Scots smuirich means 'kyiss, caress' an hit's a intensive form o smuir 'scomfish, shock' at ultimately gings back tae da Proto-Germanic *smurōną 'tae smore, trottle'. Da diminutive endeen -kin shaas at somethin is peerie. Da Low Germanic endeen ultimately gings back tae da Proto-Germanic diminutive *-ikiną. So smoorikins is geen fae bein peerie suffocations tae sweet kyisses.

😘

W'ir pickit da spelleen -kin becis o da wye at da suffix is unstressed at maks da pronunciation a peerie bit different fae da laeks o e.g. ken 'to know'.

😘

Da wird scomfish is attestit fae 1768 wi da meaneen 'tae smore, shock'. Hit's a shortened form o discomfish (attestit fae 1488), itsel a alteration o discomfit, at in turn comes fae da Anglo-Norman descounfit 'tae destroy', ultimately fae Latin dis-conficere 'tae (completely) destroy'.