Poosie aet dee!

History athin a wird. Da snüds an wups idda vaige o a wird is fascinatin. Da Shaetlan wird poosie (posi, pusi) is pronounced eider /pusi/, /pɔzi/ or /pudʒi/ an means 'quagmire, swamp, bug'. Whaar it cam fae w'ir no sure, but it micht be a dervation wi -ie (at maks nouns/entities oota verbs/actions) fir pus, cognate wi Sw. pøsa, NyNo. pøyse, Da. puss at aa means 'tae swall up' an derives fae Proto-Norse *pausian < PGmc. *pus- 'tae swall up, inflate, blaa'. Dis is da very origin o Sw. puss 'puddle' an aa (as in vattenpuss 'watter puddle'). Hit micht be at it merged wi Aald Norse pyttr 'buggy hol, guttery puddle, etc'). Hit's a bit o a mystery, but dis is maebbi a aald Norn wird at's bidden idda language. Hoosumivver, we dunna tink it ivver haed onythin tae dø wi pussy 'cat', hit's fae Low GM pūs / Du. poes 'cat'.

Pictir: Nickolas Titkov (CC BY-SA 2.0)