He's tømmin!

He's tømmin! Da Germanic languages is unken compared wi maist idders aroond da wirld in dat dey øs emty "dummy" subjects whin spaekin aboot da wadder (IT is rainin, whar "it" is emty an døsna really refer til onythin). Dis is idderwise onnly fun in Nicobarese (Andaman Islands), Comanche (USA) and Záparo (Ecuador). Shaetlan is even mair unken in dat it øses "he" fir da dummy. Aa da Germanic languages øses da neuter "it" apairt fae Wast Norwegian an its descendants Icelandic an Faroese. (Da French dummy "il" taks influence fae Germanic but it's no da sam - der onnly "il" (he) or "la" (shø), so da neuter isna a option.) In maist languages you say da laeks o "Rain rains" (laek Turkish yağmur yağiyor) or jüst "Rains" (laek Italian piove).