Dat dat!

Whit dey caa reactive responses ir a kind o backchannelin, whaar da body listenin lowses at da een at's spaekkin. Shaetlan haes a speecial kind o reactive response at means at you irna fir it, or dunna fairly agree. Hit's wint tae be a third person pronoun or da remote demonstrative: dat dat! / he he! / shø shø! / dey dey! Sic as:

— John is bocht himsel a Jaguar.

— Dat dat!

— Shø seyd shø wis tried her best.

— Shø shø!

— Dey seyd dey didna git muckle tae aet.

— Dey dey!

Da expression isna aesy tae git across athin Standirt English, bit hit can be translated roughly as "oh pooh!" / "not a bit!" / "I see!" / "is that so?" / "as if!" or dere an dere aboots.

Pictir: Julie Dennison.