Pronoun tags

In Shaetlan da objict form o da personal pronoun can be øsed as a tag apø da end o a staetment. Dis grammar tool is caaed dislocation, whar things is shifted aboot fir da sake o emphasisin it.

 – A’m stentit, me. (approx. Standirt English ‘I am really full, I am’)

 – Shø’s in Waas, her. (approx. Standirt English 'She's in Waas, she is')

Standirt English can mak øs o tags firbye, but no in da sam wye, as da translations shaas. Dislocation is fun athin a lok o da wirld’s languages, an hit’s øswally a tool øsed bi da spaeker tae alter da flow o infirmation or tae emphasise things. A lok o languages øses tags fir dis, but exactly whit wye da tags look wunna be da sam atween languages. Da Shaetlan pronominal tags is a peerie, neat grammar device fir emphasisin da subjict idda claase. Hit’s nidder wrang, or slang or a dølfil wye o spaekin – hit’s richt Shaetlan grammar. Tae “correct” it wid be wrang.