Comparin Swadesh lists

As a experiment, we pat tagidder Swadesh lists o seeven languages: Shaetlan, Scots, English, Nynorsk Norwegian, Bokmål Norwegian, Swedish an Dutch. Wir warkmaets at Aarhus University tøk an pat dis data trowe a phylogenetic netwirk. Da results shaas at (1) Shaetlan is ferder awa fae baith Scots an English as Swedish is fae da twa Norwegians; (2) Scots an English closser til een anidder as Shaetlan is til idder o dem; (3) Scots an English shaas mair influence atween een anidder as wi Shaetlan.

Dis fairly shaas at "Language is a dialect wi a airmy an a navy" (see wir posst on 5 Janiwirry 2022): Swedish an da twa Norwegians is krøled closs up tagidder, an dey ir tocht o as bein saeperit languages. Yit Shaetlan, at's no nearly as muckle laek idder Scots or English, keeps bein spokken aboot as bein a "dialect" despite whit da linguistic data shaas.

Wi aa wir tanks til Associate Prof. Dr Peter Bakker an his assistants Móeiður Vigfúsdóttir, Cecile Meilby Jensen, Teis Lykke Tambjerg & Anna Damgaard Hansen, Aarhus University, fir comin wi dis graph ti' wis.

PS:

Fir good owerviews on Quantitative comparative linguistics, Swadesh lists an Phylogenetic netwirks, see dis respective Wiki articles wi ferder references:

 https://en.wikipedia.org/wiki/Quantitative_comparative_linguistics

 https://en.wikipedia.org/wiki/Swadesh_list

 https://en.wikipedia.org/wiki/Phylogenetic_network

References

English: fixed list & native speaker knowledge (Viveka Velupillai)

Scots: Robinson, Mairi. 1985. The concise Scots dictionary. Aberdeen: Aberdeen University Press.

Shaetlan: native speaker knowledge (Ronnie Eunson)

Nynorsk Norwegian: Nynorskordboka. 2023 Språkrådet og Universitetet i Bergen. Available at: http://ordbøkene.no (last access 27 March 2023).

Bokmål Norwegian: Bokmålsordboka. 2023 Språkrådet og Universitetet i Bergen. Available at: http://ordbøkene.no (last access 27 March 2023).

Swedish: native speaker knowledge (Viveka Velupillai)

Dutch: native speaker knowledge (Hilly van der Sluis)