Bilingualism is mair common as monolingualism

Bilingualism is affen traetit as somethin mosst speecial, somethin unkan, whaaras monolingualism is traetit as da norm. Yit it turns oot hit's da tidder wye aboot. In a survey baessed apün census data fae jüst under ¼ o da countries idda wirld, Dr. Parkvall fan aboot ⅓ o da global population is monolingual, whaaras ⅔ is bi-/multilingual. In idder wirds: spaekin twa languages (or mair) is a lok mair common as spaekin jüst een.

🧮📊

Hit's wirt mindin at dis study is baessed on whit census data wis avaelable. Dis means at da data is wint tae shaa mair whit laek it is idda nations at haes da infrastructure tae be kerryin oot censuses. Da idder thing is hit's dependant on dis censuses allooin fir fokk bein bi-/multilingual. A census at onn'y lats fokk pick ee language risks da data bein skewed by no giein spaess tae multilingualism. In idder wirds, da monolingual fokk could very laekly be ower-represented  becis o census bias.

🧮📊

Wir tanks tae Dr. Mikael Parkvall (Department of Linguistics, University of Stockholm) fir lattin wis øse his survey gyaan on eenoo.