Language & plaess ey gings tagidder. We bide an spaek athin a environment, an dis environment maks up wir daily lives. De'r a number o wyes at da environment can shaep languages: da laandscaep maebbi maks fir idder kinds o directionals (linguistic markers indicatin erts), whit parteeklar kinds o wadder maebbi maks fir idder wyes o shaain agency (da "doer" o an action) or varyin wyes o shaain predictability, da draain in an oot o da lents o day/nicht maebbi maks fir various wyes o expressin time, an sic laek.