Truss

History athin a wird. Da snüds an wups idda vaige o a wird is fascinatin. Da Shaetlan wird truss means '(øseless) proil; brucks; scraepeens; bruck. Hit's Shetland specific an it comes stracht fae da Aald Norse tros 'brushwid; half rotten twigs; dry twigs an wid spellicks; etc'. Da wird is still fun in Swedish as tross 'bruck, proil, etc' an NyNo. as tros 'half rotten twigs; dry twigs an wid spellicks; etc', laek in da sayeen

Der er tros i alle skogar ('De'r tøtaks aawye')

Da origin o da wird isna kent o but hit micht come fae Proto-Germanic *trusan, at itsel comes fae *trewan, at in turn comes fae Proto-Indo-European *deru-/*drū-'tree, wid'. So da semantic gaet truss is taen is geen fae herd wid tae øseless bruck.

🪵

Source fir da Nynorsk quote: https://ordbokene.no/nn/81552