Proil

History athin a wird. Shetland micht be spokken aboot as bein remote but da truth is it's ey been a central plaess, an troo da history o Shaetlan contact wi idder languages is nivver aesed. Da wird proil means 'gair, feekfaks, bruck, a gadderie o (pointless) bits an pieces', etc', laek

Clear dy proil oot o da shed till we can pent da waas.

Hit derives fae Middle Low Dutch / Middle Low German prul (> Mod. Du. prull / Mod. LGm. Prüll/Pröll/Proll) 'booty, plunder, gair, feekfaks, etc'. Hit micht be onn'y be fun athin Shaetlan, but de ir da form proly in Orkney, an it is a Hansa influence. Da Swedish pryl ('ting, feekfak, etc.') maist laekly derives fae da sam source.