Pampero

History athin a wird. Shetland micht be spokken aboot as bein remote but da truth is it's ey been a central plaess, an troo da history o Shaetlan contact wi idder languages is nivver aesed. Da wird pampero is øsed in Yell tae spaek aboot a coorse gael. Hit wis brocht straicht fae da Argentinian Spanish wird fir da coorse wind at shaas up apø da Pampas idda suddert o Latin America. Da wird wis laekly brocht tae Yell wi hamefarin whalers idda 19t an 20t centuries.