ø

Twartree bøds in Rønnies Voe.

Da soond ø is weel-kent an gyaan naewye in Shaetlan. It is whit dey caa a front "closs-mid roonded vowel", an phonetically da onnly difference atween da soonds /e/ (laek da "ai" in "traivel") an /ø/ (as in bød) is at da lips is roondit wi /ø/. Aald English haed it, an Aald Norse did an aa - da twa main ancestors o Shaetlan. Dis soond isna fun aa dat affen aroond da wirld, an is onnly fun in Eurasian languages. Da Scandinavian languages, as weel as German an French haes it. Nearly aa English varieties is lost it, but you can still fin it in Northumbrian English.

Da soond /ø/ can be spellt wi "ö". Idder spelleen is fine, an some languages øses ø (laek Norwegian), wharas idders øses ö (laek Swedish). W’ir pickit ø as it's da sam as whit's øsed idda International Phonetic Alphabet.